नीरजचा गोल्डन थ्रो विराटच्या जवळ पोहोचला; कमाईत १ हजार टक्के वाढ

नवी दिल्ली: भारतीय क्रीडा क्षेत्रात जाहिराती आणि करारांच्या माध्यमातून सर्वाधिक कमाई करणारा खेळाडू म्हणजे विराट कोहली होय. विराट अन्य खेळाडूंच्या इतक्या पुढे गेला आहे की त्याच्या जवळपास पोहोचणे अशक्य आहे. पण गेल्या एका महिन्यात अशा एका खेळाडूचा उदय झालाय.

वाचा- अजिंक्य रहाणेला मिळणार डच्चू; संघ व्यवस्थापनाने दिले स्पष्ट संकेत

टोकियो ऑलिम्पिकमध्ये ८७.५८ मीटर लांब भालाफेकून भारताच्या नीरज चोप्राने देशाला अॅथलेटीक्समधील पहिले तसेच पहिले सुवर्णपदक जिंकून दिले. या थ्रो मुळे नीरजच्या आयुष्यात आणि करिअरमध्ये मोठा बदल झालाय. त्याची लोकप्रियता जमीनीवरून थेट शिखरावर पोहोचली आहे. या यशाचा परिणाम त्याच्या आर्थिक गोष्टींवर देखील झालाय. नीरज सोबत करार करणाऱ्या कंपन्यांनी त्याला १ हजार टक्के इतकी वाढ दिली आहे.

वाचा- पाचव्या कसोटीसाठी भारतीय संघात ३ बदल; उपकर्णधाराला विश्रांती देणार?

टोकियो ऑलिम्पिकच्या आधी नीरजचे करार १५-२५ लाख पर्यंतचे होते. आता नव्या करारात १० पट वाढ झाली आहे. सूत्रांनी दिलेल्या माहितीनुसार भारतीय क्रीडा क्षेत्रात क्रिकेट संघाचा कर्णधार विराट कोहली हा एकमेव खेळाडू आहे जो १ ते ५ कोटी या टप्प्यात करार करतो. आता नीरज देखील या टप्प्यात आला आहे. नीरजने अद्याप विराटला मागे टाकले नसले तरी त्याने रोहित शर्मा, केएल राहुल यांना कधीच मागे टाकले आहे. हे दोन खेळाडू ५० लाख ते १ कोटींच्या टप्प्यात करार करतात.

वाचा- ५० वर्षाचा विक्रम मोडला, आता टीम इंडिया समोर ८५ वर्षाचा इतिहास बदलण्याचे आव्हान

सध्या नीरजने ज्यांच्या सोबत करार केले आहेत त्या कंपन्यांनी देखील नव्याने वाढ करून दिली आहे. नीरज सोबत झालेले २०२४ साली होणाऱ्या पॅरिस ऑलिम्पिकपर्यंत असणार आहे. नवे करार करताना नीरजने तंबाखू, मद्य आदी गोष्टींच्या जाहिराती करणार नसल्याचे स्पष्ट केले आहे.

वाचा- धवनच नाही तर या क्रिकेटपटूंनीही घेतलाय घटस्फोट

सोशल मीडियावर देखील निरजची लोकप्रियता प्रचंड वेगाने वाढली आहे. इस्टाग्रामवर त्याचे ४ मिलियन तर ट्विटवर ६ लाख फॉलोअर्स आहेत. सुवर्णपदक जिंकल्यानंतर इस्टाग्रामवर एका दिवसात त्याच्या फॉलोअर्सची संख्या १.१ मिलियनने वाढली होती.



Source by [author_name]

Leave a Reply