पाचव्या कसोटीसाठी भारतीय संघात ३ बदल; उपकर्णधाराला विश्रांती देणार?

नवी दिल्ली: विराट कोहलीच्या नेतृत्वाखाली भारतीय संघाने इंग्लंडचा ओव्हल कसोटीत १५७ धावांनी पराभव केला. या विजयासह भारताने पाच सामन्यांच्या कसोटीत २-१ने आघाडी घेतली.

वाचा- भारताच्या या खेळाडूचे फॅन झाले सुनील गावस्कर; म्हणाले, हात लावतो त्याचे सोने होते

मालिकेतील पाचवी आणि अंतिम कसोटी १० सप्टेंबरपासून मॅनचेस्टर येथे सुरू होणार आहे. ओल्ड ट्रेफर्ड मैदानवर होणारी ही लढत भारताने जिंकली किंवा ड्रॉ झाली तर ते मालिका स्वत:च्या नावावर करतील. जर या लढतीत पराभव झाला तर मालिका बरोबरीत सुटेल. अंतिम कसोटीसाठी भारतीय संघात काही बदल होऊ शकतात. जाणून घेऊयात हे बदल कोणते असतील.

उपकर्णधाराला विश्रांती

उपकर्णधार अजिंक्य रहाणे याला इंग्लंड दौऱ्यात फार खास कामगिरी करता आली नाही. पहिल्या चार कसोटी सामन्यात तो संघर्ष करताना दिसला. अशात अंतिम कसोटीसाठी त्याला विश्रांती दिली जाऊ शकते. जर भारतीय संघ व्यवस्थापनाने असा निर्णय घेतला तर त्याच्या जागी हनुमा विहारीला संधी मिळू शकते. या मालिकेत विहारीला एकाही कसोटीत संधी मिळाली नाही. विराहीने १२ कसोटीत ३३च्या सरासरीने ६२४ धावा केल्या आहेत.

वाचा-रोहित शर्मा पाचवी कसोटी खेळणार की नाही? दुखापतीबद्दल स्वत: दिले अपडेट

जडेजाच्या जागी…

भारतीय संघातील दुसरा बदल म्हणजे रविंद्र जडेजाच्या जागी आर अश्विनला संधी दिली जाऊ शकते. या मालिकेत जडेजा फलंदाजीत योगदान देईल असे वाटले होते. पण त्याने निराशा केली. गोलंदाजीत विकेट घेण्यासाठी देखील तो धडपडताना दिसला. चार कसोटीत त्याने फक्त ६ विकेट घेतल्या आहेत. पहिल्या कसोटीनंतर सातत्याने ही मागणी केली जात होती की जडेजाच्या जागी अश्विनला संधी द्यावी. अश्विन गोलंदाजीसोबत फलंदाजी करू शकतो. पाचव्या कसोटीत अश्विन संघात दिसण्याची शक्यता आहे.

वाचा- हा व्हिडियो पाहिल्यावर अंगावर शहारे येतील; दिग्गज खेळाडू म्हणाला, Thank you

बुमराहच्या जागी हा खेळाडू

दुखापतीमुळे मोहम्मद शमीला चौथी कसोटी खेळता आली नाही. जर तो पूर्ण फिट झाला असेल तर जसप्रीत बुमराहच्या जागी शमीला संधी मिळू शकते. बुमराहने सुरुवातीच्या चारही कसोटी खेळल्या आहेत. वर्कलोडचा विचार करता त्याला विश्रांती दिली जाऊ शकते.



Source by [author_name]

Leave a Reply