बेळगाव निकाल: भाजपने ‘ही’ मागणी मान्य करावी; संजय राऊतांनी दिलं थेट आव्हान

हायलाइट्स:

  • बेळगाव महापालिका भाजपकडे
  • महाराष्ट्र एकीकरण समितीचा दारूण पराभव
  • संजय राऊतांचे भाजपला थेट आव्हान

मुंबईः बेळगाव महापालिकेच्या निकालावरुन शिवसेना- भाजपमध्ये आरोप प्रत्यारोपांना सुरुवात झाली आहे. मराठी माणसाच्या मुद्द्यावरुन संजय राऊतांनी भाजपवर टीका केली होती. तर, भाजप आमदार गोपीचंद पडळकर यांनीही राऊतांवर पलटवार केला होता. आता पुन्हा एकदा शिवसेना खासदार संजय राऊत यांनी भाजपला आव्हान देत टीकास्त्र सोडलं आहे.

बेळगाव महापालिकेवर भगवा झेंडा फडकलाच आहे, असा दावा भाजपने केला आहे. त्यावर बोट ठेवत संजय राऊत यांनी भाजपवर निशाणा साधला आहे. संजय राऊत यांनी एक ट्वीट केलं आहे. संजय राऊतांच्या या ट्वीटमुळं वातावरण अधिक तापण्याची शक्यता आहे.

वाचाः ‘मराठी माणसाने १५ कोटींच्या ‘पेंग्विन विकासाचे मॉडल’ नाकारले’

बेळगावात एकीकरण समितीचा पराभव घडवून आणला. भाजपचे महाराष्ट्रातील पुढारी म्हणतात आमचा भगवा बेळगाववर फडकला. मग एक करा. पालिकेच्या पहिल्या सभेत बेळगाव महाराष्ट्रात विलीन करण्याचा ठराव मंजूर करा. महाराष्ट्रात पेढे वाटून आनंद व्यक्त करणाऱ्या भाजपने ही मागणी मान्य करावी. तरच तुमचा भगवा खरा, असं आव्हान संजय राऊत यांनी भाजपला दिलं आहे.

वाचाः भाजप खासदाराच्या सुनेला मारहाण?; राष्ट्रवादीकडे मदत मागत केला गंभीर आरोप

सामनाच्या अग्रलेखात काय म्हटलंय?

‘शिवरायांच्या काळात सूर्याजी पिसाळ, खंडोजी खोपडे हे निपजले होतेच. औरंगजेबाने आग्र्यात छत्रपती शिवाजी महाराजांना अटक केल्याचे वृत्त धडकताच संपूर्ण महाराष्ट्र शोकसागरात व चिंतेत बुडाला होता, पण महाराजांच्या अटकेनेही आनंद मानून, गोडधोड वाटणारा एक वर्ग तेव्हाही महाराष्ट्रात होताच. त्याच प्रवृत्तीचे लोक बेळगाव महापालिका निवडणुकीतील मराठी पराभवाचा आनंद साजरा करीत आहेत. मराठीजनांचे शाप व हुतात्म्यांचे तळतळाट त्यांना लागतील. मराठी एकजूट व मराठी लढ्याचा बेळगावात दारूण पराभव झाल्याचा धक्का सगळ्यांनाच बसला आहे, असं सांगतानाच सीमा बांधवांचा लढा सुरूच राहील, मराठी एकजूट पुन्हा उसळून येईल. बेळगावच्या पराभवातून एक धडा घ्यावाच लागेल. आपले शत्रू आणि वैरी आपल्याच घरात आहे. एकीची वज्रमूठ सुटली की गद्दारांचे फावते, असं शिवसेनेनं म्हटलं आहे.

वाचाः ‘बेळगाव निवडणुकीचा आनंद साजरा करणाऱ्यांना मराठीजनांचे शाप लागतील’



Source by [author_name]

Leave a Reply